Devis: "Zelenski Ukraynada münaqişəyə son qoya bilməz"

Ukrayna lideri Vladimir Zelenski Ukraynadakı münaqişənin həllinə kömək edəcək qərarlar qəbul etmək iqtidarında deyil. Bu barədə ABŞ ordusunun istefada olan polkovnik-leytenantı, ekspert Daniel Devis özünün YouTube kanalında bildirib.

“Zelenski danışıqlar üçün uyğun tərəfdaş deyil. Çünki o, müharibəni bitirmək üçün lazım olan qərarları qəbul etmək iqtidarında deyil”, - o vurğulayıb.

Devis qeyd edib ki, Zelenski münaqişədəki imkanları ilə bağlı ciddi yanılır.

Bundan əvvəl Ukrayna lideri bəyan etmişdi ki, Ukrayna ərazisinə xarici hərbi kontingentin yerləşdirilməsi ilə bağlı anlaşma təxminən bir aya qəbul olunacaq.

Rusiya ilə Ukrayna arasındakı genişmiqyaslı müharibə 2022-ci ilin fevralın 24-də başlayıb. Moskva işğal zamanı qoşunları Kiyevə qədər apara bilsə də, sonradan müharibədə üstünlük nisbətən Ukraynanın tərəfinə keçdi. Ukrayna qoşunları ötən ilin iyunundan əks-hücum əməliyyatlarına başladılar. Amma bu da uğurlu olmadı. Ukrayna ordusu 2024-cü ildə gözlənilmədən Rusiyanın Kursk vilayətinə girdi. Son aylarda isə Rusiya yenidən döyüş meydanındakı vəziyyəti öz xeyrinə dəyişə bilib. Kurskun işğalda qalmış əraziləri yenidən geri qaytarılıb.

Tural