Bağlanan verilişləri nələr əvəz etməlidir?- TƏKLİİF

Xəbər verdiyimiz kimi milli-mənəvi dəyərlərimizə zərbə vuran bəzi telelayihələrin yayımına son verilib. Təsadüfi deyil ki, bu qərar ictimaiyyət təraəfindən də dəstək qaznıb.

Əksəriyyət hesab edir ki, bu addım milli-mənəvi dəyərlərimizin qorunmasında müsbət nəticələr verəcək.

News365.az xəbər verir ki, tanınmış iqtisadçı Eldəniz Əmirov ümid etdiyini deyib ki, telekanallar bağlanan verilişlərin yerini ucuz həyat təbliğ edən seriallarla doldurmayacaq:

“Bu boşluqların seriallarla yox, aşağıdakı məzmunlu verilişlərlə doldurulmasını daha məqsədəuyğun hesab edirəm:

1. Həkimlərin iştirakı ilə sadə və anlaşılan tibbi maarifləndirmə verilişləri;

2.Real sosial problemlərin həll yönümlü müzakirəsi;

3.Sadə dildə iqtisadi izahlar (maaş, kredit, qiymətlər, biznes ideyaları və s.);

4.Region və kənd həyatı üçün praktik məlumatlar (torpaq, təsərrüfat, kiçik biznes);

5.İki səviyyəli intellektual verilişlər (canlı bağlantılar və interaktiv formatlarla);

6.Təhsilin ən müxtəlif pillə və sahələrində maraqlı və yönləndirici proqramlar.

Amma bütün bunlar quru və ağır formada təqdim edilməməlidir. Yenə insan hekayəsi olmalıdır, yenə həyat olmalıdır. Sadəcə nəticə qalmaqal yox, fayda olmalıdır.

Televiziya yalnız vaxt doldurmaq üçün deyil, insanı dəyişmək üçün var.”

News365.az