“Allahln evi”ndə moda nümayiş etdirmək olarmı? - İlahiyyatçıdan AÇIQLAMA
Çində təəccüb
doğuran hadisə yaşanıb. Beləki Almaniyanın məşhur idman geyimləri istehsalçısı
"Adidas" Şanxay şəhərində yerləşən bir kilsəni brendləyərək özünün
"Adidas Originals" xətti üçün dəb gecəsi təşkil edib.
Tədbir
zamanı kilsənin interyeri "Adidas"ın simvolu olan üç zolaqla bəzədilib,
binanın fasadına isə "Adidas Originals" loqotipinin silueti asılıb.
Hadisə
sosial şəbəkələrdə geniş müzakirələrə səbəb olub. Bir çox istifadəçi bu addımı
qeyri-etik və dini məkanların ticarət məqsədilə istifadə olunması kimi qiymətləndirsə
də, digərləri böyük maraqla qarşılayıb.
Mövzu ilə
bağlı fikirlərini News365.az-a danışan ilahiyyatçı Tural İrfan
deyib ki, kilsələr, məscidlər, sinaqoqlar ibadət üçündür:
“Təyinatı
Allahla rabitə məkanı olaraq nəzərdə tutulub. Orada dəb gecələri, festivallar
keçirmək doğru deyil. Hər tədbirin öz yeri var. İbadət evi başqadır, mədəniyyət
evi başqa. Allahın evi yalnız ona dua etmək üçündür. Bu məkanlarda fərqli tədbirlərin
olması dini cəhətdən qəti qadağan olmasa da ənənəvi yöndən, həm də mahiyyəti
üzrə bəyənilməyən əməldir”.
News365.az
