NSA-nın keçmiş əməkdaşı “Rusiya agentinə” məlumat ötürdüyünə görə 20 ildən çox həbs cəzası aldı

ABŞ Müdafiə Kəşfiyyat İdarəsinin keçmiş məmuru özünü Rusiya casusu kimi təqdim edən FTB agentinə məxfi məlumatları ötürməyə cəhd etdiyi üçün 22 ilə yaxın həbs cəzasına məhkum edilib.

32gun.az bildirir ki, bu barədə ABŞ Ədliyyə Nazirliyi məlumat yayıb .

Rəsmi məlumata görə, ABŞ Müdafiə Nazirliyinə daxil olan Milli Təhlükəsizlik Agentliyinin (NSA) 32 yaşlı keçmiş əməkdaşı Jare Sebastian Dalk məxfi məlumatları “Rusiya Federasiyasının agenti”nə ötürmək cəhdində təqsirli bilinib.

FTB-nin gizli agenti. Kompüter təhlükəsizlik sistemlərinin tərtibatçısı kimi çalışan Dalk “Rusiya casusu”na ABŞ-ın milli təhlükəsizliyi ilə bağlı məlumatları ehtiva edən elektron məktublar göndərib . Bunun üçün o, mükafat olaraq 85 min dollar istəyib.

ABŞ hüquq-mühafizə orqanları NSA əməkdaşını həbs edib. O, təqsirini tam etiraf edib və istintaqla əməkdaşlıq edib. Məhkəmə Dalkı 21 il 10 ay müddətinə azadlıqdan məhrum edib.