ABŞ əməliyyatlara yüzlərlə xilasedici cəlb etdi - VİDEO

Vaşinqton səmasında baş vermiş dəhşətli təyyarə qəzasından sonra aidiyyəti qurumlar araşdırmalara başlayıblar. Təyyarə və helikopterin qəzaya uğradığı yerdə əməliyyatlarda yüzlərlə xilasedici iştirak edir. Bu barədə Vaşinqton Yanğından Mühafizə İdarəsinin və təcili tibbi yardım xidmətinin rəhbəri Con Donnali məlumat yayıb.

"Xilasetmə əməliyyatında təxminən 300 nəfər iştirak edir", - Donnali bildirib.

Artıq xeyli sayda insanın öldüyü bildirilir. Ən azı 19 cəsəd Potomak çayından çıxarılıb.

Qeyd edək ki, PSA Airlines tərəfindən American Airlines üçün 5342 saylı uçuşu həyata keçirən Bombardier CRJ700 təyyarəsi Vaşinqtonun Reyqan Beynəlxalq Hava Limanında 33-cü uçuş-enmə zolağına yaxınlaşarkən qəzaya uğrayıb. O, havada Sikorsky H-60 ​​helikopteri ilə toqquşub. Təyyarə Kanzas ştatının Viçita şəhərindən havaya qalxıb.

American Airlines bildirib ki, Kanzasdan uçan təyyarədə 60 sərnişin və 4 ekipaj üzvü olub. Helikopterin göyərtəsində ən azı üç hərbçi olub. Helikopter təlim uçuşunda idi.

Tural