“Sürücülərdən yol nişanlarının tələblərinə əməl etmələri xahiş olunur“ - Ömər Xıdırov

“Sürücülərdən yol nişanlarının tələblərinə əməl etmələri xahiş olunur“ -  Ömər Xıdırov
01 May 2024 11:54

Daxili İşlər Nazirliyinin Nəqliyyatı İntellektual İdarəetmə Mərkəzinin İctimaiyyətlə əlaqələr sektoruna müdiri Ömər Xıdırov feysbuk səhifəsində paylaşım edib. 

News365.az xəbər verir ki, o, sürücülərə diqqətli olmamaları haqqında çağırış edib:

"Daxili İşlər Nazirliyi Nəqliyyatı İntellektual İdarəetmə Mərkəzinin müşahidə kameralarının qeydə aldığı bu yol-nəqliyyat hadisələri gecə saatlarında baş verib. Paytaxtın Rəşid Behbudov küçəsindəki qəza zamanı 1 ədəd müşahidə kamerası və onun idarəetmə qutusuna zərər dəyib. Digər, 8 Noyabr prospektinin Xəqani Rüstəmov küçəsi ilə kəsişməsində qeydə alınan qəza zamanı isə 1 ədəd svetofor dirəyi yarasız hala düşüb. Hazırda nəqliyyat vasitələrinin və piyadaların təhlükəsiz hərəkətini təmin etmək məqsədilə həmin svetoforun yenisi ilə əvəzlənməsi işləri aparılır. Sürücülərdən yol nişanlarının tələblərinə və sürət həddinə əməl etmələri xahiş olunur".

Vəfa Vəliyeva, News365.az


Youtube kanalımız

Oxşar xəbərlər