Rus snayperçilər niyə 3-lü sistemə keçiblər? -Maraqlı səbəb

Ukrayna Silahlı Qüvvələrinin (VSU) pilotsuz təyyarələrinin xüsusi hərbi əməliyyat zonasında yüksək fəallığı səbəbindən ənənəvi snayper ikililəri üçlüklərlə əvəz olunur. Bu barədə Rusiya mediasına "Qərb" qüvvələri qrupunun 25-ci birləşmiş silahlı ordusunun Axat Axmetyanov adına Başqırd tüfəng şirkətinin döyüşçüsü məlumat verib.

“Əvvəllər həmişə cüt şəkildə işləyirdik, indi daha çox “quşlar” (PUA -nı nəzərdə tutur- red.) FPV (kamikadze pilotsuz uçan aparatlar - red.) səbəbindən üçlü şəkildə hərəkət etməyə məcburuq. Bir nəfər mütləq iki atıcını PUA-dan qorumalıdır",-o, deyib.

Döyüşçü qeyd edib ki, qrupu qoruyan üçüncü şəxs avtomat və kiçik Radioelektron mübarizə (REB) qurğusu ilə ətrafda gəzir və adətən qrupdan müəyyən məsafədə işləyir.

Rusiya ilə Ukrayna arasındakı genişmiqyaslı müharibə 2022-ci ilin fevralın 24-də başlayıb. Moskva işğal zamanı qoşunları Kiyevə qədər apara bilsə də, sonradan müharibədə üstünlük nisbətən Ukraynanın tərəfinə keçib. Ukrayna qoşunları ötən ilin iyunundan əks-hücum əməliyyatlarına başladılar. Amma bu da uğurlu olmadı. Son aylarda isə Rusiya yenidən döyüş meydanındakı vəziyyəti öz xeyrinə dəyişə bilib.

Tural