İrəvanda avtobus aşdı: Çoxlu turist yaralandı

Ermənistanın paytaxtı İrəvanda “Hyundai” markalı avtobusun aşması nəticəsində 11 nəfər xəsarət alıb. Onların hamısı Hindistan vətəndaşıdır.

News365.az xəbər verir ki, bu barədə İrəvan meriyasının Səhiyyə İdarəsinin rəisi David Karapetyan yerli mətbuata bildirib.

Qəza oktyabrın 23-də, saat 09:00 radələrində baş verib.

Xəsarət alanlardan 4-ü “Surb Qriqor Lusavoriç” tibb mərkəzinin müxtəlif şöbələrinə yerləşdirilib. Onların vəziyyəti stabil və qənaətbəxş qiymətləndirilir.

David Karapetyanın sözlərinə görə, digər 7 nəfər “İrəvan” tibb mərkəzinə aparılıblar.

“Xəsarət alan yeddi nəfərin hamısı "İrəvan" tibb mərkəzinə çatdırılıb. Onların hamısı hindistanlıdır. Hamısına ilkin tibbi yardım göstərildikdən sonra evə buraxılıblar”, – deyə o bildirib.

“Surb Qriqor Lusavoriç” tibb mərkəzinə yerləşdirilən dörd nəfər də Hindistandandır.

Məlumata görə, aşan avtobus Ermənistanda tanınmış tikinti şirkəti “MLL İndastrial” MMC-nin balansındadır.