İnsan beyni niyə yuxuları tez unudur?

İnsan oyandıqdan bir neçə dəqiqə sonra yuxunu unudur.

Buna səbəb nədir?

News365.az xəbər verir ki, insanların yuxudan oyandıqdan bir neçə dəqiqə sonra gördükləri yuxuları unutması beynin yaddaş mexanizmləri ilə əlaqəlidir.

Yuxu zamanı beyin müxtəlif hadisələri, görüntüləri və emosiyaları birləşdirərək qeyri-adi səhnələr yarada bilər. Lakin yuxuların yaddaşda qalması üçün məlumatların uzunmüddətli yaddaşa ötürülməsi vacibdir.

Xüsusilə yuxunun REM mərhələsində canlı və emosional yuxular görmək mümkündür. İnsan oyandıqdan sonra diqqətini gündəlik işlərə yönəltdikdə isə yuxunun detalları sürətlə yaddaşdan silinə bilər.

Mütəxəssislər yuxuları xatırlamaq istəyənlərə oyandıqdan dərhal sonra gördüklərini qeyd etməyi məsləhət görürlər. Çünki yuxunun ilk dəqiqələrində xatirələr daha əlçatan olur.