İlk bankomatlardan Necə işləyirdi?

Bu gün bankomatdan bir neçə saniyə ərzində pul çıxarmaq mümkündür.

News365.az xəbər verir ki, lakin ilk bankomatların iş prinsipi müasir cihazlardan xeyli fərqlənirdi. 

1967-ci il iyunun 27-də İngiltərənin Enfild şəhərində Barclays bankının filialında tarixdə ilk avtomatik pul aparatlarından biri istifadəyə verilib.

Cihaz Şotlandiya əsilli ixtiraçı Con Şepard-Barronun ideyası əsasında hazırlanmışdı. İlk istifadəçilər indiki kimi plastik kart və PIN kod əvəzinə xüsusi çeklərdən istifadə edirdilər. Bu çeklərdə radioaktiv izotop karbon-14 vasitəsilə tanınan maddə olurdu və aparat onların etibarlılığını yoxlayırdı.

İlk bankomatlar yalnız müəyyən məbləğdə pul verə bilirdi. Müasir bankomatlardan fərqli olaraq, onlar hesab qalığını yoxlamaq, köçürmə etmək və bir çox başqa əməliyyatları yerinə yetirmək imkanına malik deyildi.

Sonrakı onilliklərdə bank kartlarının, elektron şəbəkələrin və təhlükəsizlik sistemlərinin inkişafı bankomatları gündəlik həyatın ayrılmaz hissəsinə çevirdi.

Bu gün bir çox ölkədə milyonlarla insanın istifadə etdiyi texnologiyanın təməlində isə 1960-cı illərdə hazırlanmış sadə avtomatik pulvermə sistemi dayanır.