“3+3″ formatında ikinci görüşün təşkili üzərində iş aparılır”.
“Sputnik Armenia” xəbər verir ki, bunu Rusiyanın xarici işlər naziri Sergey Lavrov ermənistanlı həmkarı Ararat Mirzoyanla birgə mətbuat konfransında deyib.
Lavrov bildirib ki, Qərb Cənubi Qafqazın üç ölkəsinə öz xidmətlərini sırımağa çalışmaqla yeni formalaşmaqda olan bu strukturu sarsıtmaq üçün fəal şəkildə çalışır.
Qeyd edək ki, rəsmi Bakının müəllifi olduğu 3+3 formatına Cənubi Qafqazın 3 ölkəsi Azərbaycan, Ermənistan və Gürcüstanla yanaşı, Rusiya, Türkiyə və İran daxildir. Bu formatda ilk görüş isə 2021-ci ilin dekabrında baş tutub.
