” Cəbhədə vəziyyət gərginləşəcək. 12 may 1994-cü ildə atəşkəs sazişi imzalanandan sonra da 2020-ci ilə qədər mart-aprel aylarında təmas xəttində vəziyyət gərgin olub. Biz indi də bunun şahidi oluruq. Nəzərə alsaq ki, Ermənistan sülh prosesini uzatmağa çalışır, bu təxribatlar davam edəcək”.
News365.az xəbər verir ki, bu sözləri hərbi ekspert Üzeyir Cəfərov bildirir.
Qeyd edək ki, martın 15-i saat saat 00:10-dan 02:30-dək Ordumuzun mövqeləri atəşə tutulub.
Ermənistan silahlı qüvvələrinin bölmələri Basarkeçər rayonunun Əzizli və Qaraiman istiqamətlərində yerləşən mövqelərindən Ordumuzun Kəlbəcər rayonunun Yuxarı Ayrım və Daşkəsən rayonunun Astaf yaşayış məntəqələri istiqamətlərində yerləşən mövqelərini müxtəlif çaplı atıcı silahlardan fasilələrlə atəşə tutub.
Bundan başqa Rusiya sülhməramlı kontingentinin müvəqqəti yerləşdiyi Azərbaycan ərazisindəki qeyri-qanuni erməni silahlı dəstəsinin üzvləri tərəfindən Azərbaycan Ordusunun Xocalı və Xocavənd rayonları istiqamətlərində yerləşən mövqeləri də fasilələrlə atəşə tutulub.
Ordumuzun bölmələri tərəfindən adekvat cavab tədbirləri görülüb.
